Ҳиндистон ҳарбий-ҳаво кучлари тарихида илк бор жанговар қирувчи самолётларни бошқариш аёл учувчиларга ишониб топширилди. 18 июнь, шанба куни авиация академиясининг уч нафар курсанти ҲҲК учувчилари таркибига киритилди, дея хабар беради «ТАСС».
Қизларнинг ҳар бири 150 соатдан учиб, биринчи босқичдан муваффақиятли ўтди. Энди улар зобит сифатида ярим йил давомида Hawk ўқув-машғулот самолётларида малакасини оширади, сўнг жанговар ҳаво кемаларига эга бўлади ва эскадрильяларга тақсимланади.
Аёллар 2010 йилда Ҳиндистон қуруқликдаги қўшинлари ва ҲҲКда тўлақонли хизмат қилиш ҳуқуқнини қўлга киритди. Ҳозирги кунда ҲҲКда 1,5 минг нафар аёл, жумладан, 94 нафар учувчи хизмат қилмоқда. Бироқ шу пайтгача уларнинг ҳеч бири қирувчи самолётни бошқармаганди.
Изоҳ (0)