Таиланддаги будда ибодатхонаси музлаткичидан 40 йўлбарс боласининг жасади топилди

Таиланд расмийлари ўтказган рейд асносида машҳур Йўлбарс будда ибодатхонасида 40 йўлбарс боласининг жасади сақланаётгани маълум бўлди. Бу ҳақда «Интерфакс» хабар бермоқда.

Маълум бўлишича, митти жониворларнинг таналари ошхонадаги музлаткичда сақланаётган экан.

31 май куни экология ҳимоячилари роҳибларни ушбу ибодатхонани ҳайвонлар учун жаҳаннамга айлантирганликда айблаган эди.

Канчанабури провинциясида жойлашган Йўлбарс ибодатхонаси ўзини қўриқхона сифатида намоён этгани боис туристлар орасида анчайин шуҳратга эга. Аммо охирги йилларда диний маскан жанжал ичида қолиб кетди — роҳиблар жониворлар билан нолойиқ муносабатда бўлишда, уларни ўлдиришда ва ноқонуний сотишда айбланмоқда