Охирги беш сўров якунларига кўра Клинтон Трампдан 2 фоизга олдинда бормоқда

АҚШ президентлигига номзодлар — Ҳиллари Клинтон ва Дональд Трамп жамоатчилик сўровларида кўрсатаётган натижалари бўйича деярли тенг бормоқда. CNN телеканалининг 1 июнь куни хабар қилишича, охирги икки ҳафта давомида ўтказилган беш умуммиллий сўров натижалари якунларига кўра Клинтон хонимни сайловчиларнинг 45 фоизи, Трампни эса 43 фоизи қўллаб-қувватламоқда, деб хабар беради «ТАСС».

Март ва апрель ойларидаги сўровларда Ҳиллари Клинтон Дональд Трампдан анча олдинда бораётган эди — фарқ 10–14 фоизни ташкил этаётганди. Аммо ҳозирда тафовут бор-йўғи 2 фоизни ташкил этмоқда. Бундан ташқари, илгари республикачиларнинг 12 фоизи демократлар вакиласи — Клинтон хонимни қўллаб-қувватлаган бўлса, эндиликда уларнинг сони 6 фоизгача қисқарди. Бу республикачилар ўз номзодлари бўлмиш Трамп атрофида жипслашаётганидан далолат беради.