АҚШни қўллаб-қувватлаётган минглаб исёнчилар Сурия шимолида ИШИД нуқталарига ҳужум бошлади, деб ёзади «РБК». Бу ҳақда исми ошкор этилмаётган америкалик мансабдорларга таяниб, Reuters хабар берди.
Улар операция 1 июнь куни бошлангани ва бир неча ҳафтага чўзилиши мумкинлигини айтди. Унинг мақсади жангарилар учун Туркия билан чегарага йўлни ёпиб қўйишдан иборат. Ундан ИШИД жангарилари Европага ўтиб-қайтиш учун моддий-техник база сифатида фойдаланиб келар эди.
Манбаларга кўра, кўп сонли бўлмаган америкалик ҳарбийлар операцияда воқеа жойида иштирок этади, улар фронт чизиғидан маълум масофада қолиб, маслаҳатчи вазифасини бажаради.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)