НАТОнинг Россия билан ихтилофга кириш нияти йўқ, аксинча, у РФнинг жаҳон сиёсатида муҳим роль ўйнашига ишонади. Бу ҳақда альянс бош котиби Йенс Столтенберг Варшавадаги матбуот анжуманида айтиб ўтди, деб хабар беради «ТАСС».
Столтенберг Варшава университети кутубхонасида «НАТОнинг Варшавадаги саммити — тескари саноқ» мавзуида чиқиш қилди, сўнг аудиториянинг саволларига жавоб берди.
«НАТО Россия билан ихтилофга киришмоқчи эмас, биз совуқ уруш ва қуролланиш пойгасини хоҳламаймиз», — деб таъкидлади у.
Шу билан бирга, альянс раҳбари очиқлик ва мулоқотни сақлаш зарурлигини ва бунда Россия-НАТО Кенгаши муҳим ўрин тутишини таъкидлади.
«Биз янги учрашувни НАТОнинг Варшавадаги саммитига қадар ўтказишга уринишимиз лозим», — деди Столтенберг.
Изоҳ (0)