Сурия ҲҲК вертолёти Туркия билан чегарадаги Ал-Қамишли шаҳрида ҳалокатга учради

Сурия ҳарбий-ҳаво кучлари вертолёти Туркия билан чегарадаги Ал-Қамишли шаҳрида ҳалокатга учради. Бу ҳақда аэропортдаги маҳаллий манба маълум қилди, дея хабар беради «РИА Новости».

«Сурия вертолёти ҳалокатга учради. Учувчи ва унинг ёрдамчиси нобуд бўлди. Ҳодисага техник носозликлар сабаб бўлган бўлиши мумкин», — дея таъкидлаган манба. 

Маълумот учун, Ал-Қамишли суриялик курдларнинг норасмий пойтахти ҳисобланади.