Ўзбекистоннинг истеъдодли теннисчиларидан бири Темур Исмоилов Андижон шаҳрида бўлиб ўтган, соврин жамғармаси 25 минг доллардан иборат ITF туркумидаги теннис турнирининг яккалик баҳсларида ғолиб бўлди.
Халқаро теннис федерацияси расмий сайтининг маълум қилишича, Исмоилов финал баҳсида турнирнинг биринчи ракеткаси, Хитой Тайпейи вакили Ти Ченга қарши баҳс олиб борди. Икки соату 46 дақиқа давом этган беллашувда ўзбекистонлик 21 ёшли теннисчи 2:6, 7:5, 7:5 ҳисобида иродали ғалабага эришиб, бош совринга эга чиқди.
Таққослаш учун, 21 ёшли ўзбекистонлик теннисчи жаҳон рейтингида 467, Ти Чен эса 224-поғонани эгаллаб турибди.
Мусобақанинг жуфтликлар баҳсида россиялик Маркос Каловелонис ва ҳиндистонлик Балажи Срирам дуэти бош совринни қўлга киритди.
Изоҳ (0)