27 май, жума куни португалиялик мутахассис Жозе Моуриньо Англиянинг «Манчестер Юнайтед» футбол клубига бош мураббий этиб тайинланди. 53 ёшли мураббий ва клуб ўртасидаги келишувнинг баъзи шартлари эълон қилинди, деб хабар бермоқда «Чемпионат».

Моуриньонинг 3 йилга мўлжалланган ва бир йилга узайтириш имкониятига эга шартномасининг бандларидан бирида қайд этилишича, «Манчестер Юнайтед» Европа Чемпионлар Лигаси турнирида ғалаба қозонса, у 20 миллион еврони мукофот пули сифатида олади. Унинг йиллик маоши эса 13 миллион евро бўлади.

• Моуриньо «МЮ» бош мураббийи этиб тайинланиши муносабати билан Instagram’да илк хабарини чоп этди

Маълумот учун, Жозе Моуриньо фаолияти давомида «Порту», «Челси», «Реал» ва «Интер» клубларини бошқарган. Португалиялик мураббий «Порту» ва «Интер» билан Европа Чемпионлар Лигаси ғолиби бўлган.

• Жозе Моуриньо: «Манчестер Юнайтед» бош мураббийи бўлиш ўзгача шараф