24 май куни Канук лақабли қарға Ванкуверда номаълум шахс полициячиларга ҳамла қилишда фойдаланган пичоқни ўғирлаб кетди, дея хабар бермоқда Meduza.
Қуш жиноятчини қуролсизлантиришларини кутиб турди, шундан сўнг пичоқни чангаллаб олиб, у билан бирга учиб кетишга уринди. Полициячилардан бири қарғани бир неча метргача қувиб борди, шунда Канук далилни ташлаб юборди ва учиб кетди.
Бу Канук амалга оширган биринчи «шўхлик» эмас. Икки ҳафта аввал у очиқ турган полиция машинасига кириб, ноутбукдан F6 тугмасини узиб олган эди.
Канук Ванкуверда машҳур қушдир. У одамлар билан дўстона муносабатда бўлади, уни панжасидаги қизил билагузук орқали таниб олиш мумкин.
Изоҳ (0)