Аёллар ўртасида Ўзбекистоннинг биринчи ракеткаси Нигина Абдураимова Япониянинг Каруизава шаҳрида давом этаётган, мукофот жамғармаси 25 минг долларга тенг ITF туркумидаги Karuizawa Yonex Open—2016 теннис турнирининг ярим финал йўлланмасига эга бўлди.
Халқаро теннис федерацияси расмий сайтининг маълум қилишича, чорак финалда турнир мезбони Мана Аюкавага қарши кортга чиққан 21 ёшли ўзбекистонлик теннисчи 6:3, 6:2 ҳисобида зафар қучди.
Эслатиб ўтамиз, Нигина Абдураимова ярим финалга қадар япониялик Ҳаине Огатани 6:1, 6:3 ва Юрина Кошинони 6:3, 6:1 ҳисобида таслим қилганди.
Мазкур турнирнинг учинчи ракеткаси сифатида таснифланган Ўзбекистон вакиласи ярим финалда голландиялик Инди де Врумга қарши кортга чиқади.