Курд жангарилари Туркияда бир нечта портлаш содир этди

Туркиянинг Мардин провинциясидаги Нусайбин ва Мидьят шаҳарларида ҳамда Тунжели провинциясидаги Оважик шаҳрида Курдистон ишчилар партияси томонидан уюштирилган бир нечта портлашлар натижасида Туркия хавфсизлик хизматининг олти ходими ҳалок бўлди, 12 нафари яраланди, деб ёзади «Интерфакс» Hurriyet газетасига таяниб.

Курдистон ишчилар партияси жангарилари Нусайбинда қўлбола бомбани портлатган, оқибатда полиция сержанти ва офицери ҳалок бўлган. Тўққиз нафар хавфсизлик хизмати ходимлари яраланган ва Нусайбин касалхонасига етказилган.

Шунингдек, Мидьятда мина жойланган автомобиль портлаб, бир аскар ва икки қўриқчининг ҳаётига зомин бўлди.