Ўзбекистонлик теннисчилар Санжар Файзиев ва Темур Исмоилов Андижон шаҳрида давом этаётган, мукофот жамғармаси 25 минг доллардан иборат теннис турнирининг чорак финалига чиқди.
Халқаро теннис федерацияси расмий сайтининг маълум қилишича, турнирнинг олтинчи ракеткаси сифатида таснифланган Файзиев илк даврада қозоғистонлик Тимур Хабибулинни 6:4, 6:0, иккинчи даврада ҳиндистонлик Шаҳбааз Ханни 6:3, 6:2 ҳисобида мағлубиятга учратиб, чорак финалга йўл олди. Бугун, 26 май куни ўзбекистонлик 21 ёшли теннисчи 1/4 финал доирасида Хитой Тайпейи вакили, мусобақанинг биринчи ракеткаси Ти Ченга қарши кортга чиқади.
Мазкур турнирнинг иккинчи рақамли теннисчиси сифатида таснифланган Темур Исмоилов биринчи даврада ҳамюрти Аброр Исоқовни 6:2, 6:3, иккинчи даврада россиялик Денис Мацукевични 6:4, 2:6, 6:4 ҳисобида таслим қилди. Бугун, 26 май куни Исмоилов ярим финал йўлланмаси учун баҳсда индонезиялик Кристофер Рунгкатга қарши кортга чиқади.
Изоҳ (0)