Ўзбекистонлик теннисчи Нигина Абдураимова Япониянинг Каруизава шаҳрида давом этаётган, мукофот жамғармаси 25 минг долларга тенг ITF туркумидаги теннис турнирининг чорак финалчисига айланди.
Халқаро теннис федерацияси расмий сайтининг маълум қилишича, 21 ёшли ўзбекистонлик теннисчи иккинчи даврада мусобақа мезбони Юрина Кошинога қарши баҳс олиб борди. Бир соату 28 дақиқа давом этган беллашувда 6:3, 6:1 ҳисоби қайд этилиб, Абдураимова фойдасига ҳал бўлди.
Таққослаш учун, ўзбекистонлик теннисчи WTA рейтингида 192, Юрина Кошино эса 731-поғонани эгаллаб турибди.
Эслатиб ўтамиз, дастлабки даврада Абдураимова япониялик Ҳаине Огатани 6:1, 6:3 ҳисобида мағлубиятга учратганди. Унинг чорак финалдаги рақибаси япониялик Мана Аюкава бўлади.