Lufthansa авиакомпаниясининг Мюнхендан Ванкуверга учаётган самолёти парвоз чоғида лайнер эшигини очишга уринган йўловчи туфайли, Гамбургга шошилинч тарзда қўнишга мажбур бўлди, дея хабар бермоқда «РБК».
Авиакомпаниядагилар таъкидлашича, қўнгандан сўнг, самолёт эшигини очмоқчи бўлган йўловчи рейсдан четлаштирилган.
Гамбург полицияси хабарига кўра, эркакни шифокор кўрикдан ўтказган ва унда руҳий фаолиятнинг бузилишини аниқлаган. Уни маҳаллий психиатрия касалхонасига етказишган.
Самолёт йўловчилари айтиб беришича, лайнер ҳавога кўтарилгач, эркак «тобора кўпроқ хавотирлана бошлаган ва сигарета тутатишга уринган». Самолёт тахминан 11 км баландликка кўтарилгач, у бақирган ҳолда лайнернинг орқа эшигини очмоқчи бўлган.
Изоҳ (0)