Ўртаер денгизида Мисрнинг EgyptAir авиакомпаниясига тегишли A320 самолёти бўлаклари топилди. Бўлакларнинг дастлабки суратлари Миср Мудофаа вазирлиги томонидан эълон қилинди, дея хабар бермоқда «РБК».
Суратларда авиакомпания логотипи туширилган самолёт бўлакларини, қутқарув нимчалари ва йўловчиларнинг шахсий буюмларини кўриш мумкин.
Париждан Қоҳирага учаётган лайнер 19 майга ўтар кечаси Ўртаер денгизи устидан учиб ўтаётган вақтда радарлардан йўқолган эди.
Самолёт бортида 66 киши бўлган. Миср ҳукумати маълумотларига кўра, уларнинг бари ҳалок бўлган.
Изоҳ (0)