Тошкентнинг Учтепа туманидаги Юсуф Саккокий кўчаси янгидан асфальтланди. Бу ҳақда Facebook’даги «Водители Ташкента» гуруҳида 19 май, пайшанба куни фотохабар қолдирилган.
«Учтепа тумани Юсуф Саккокий кўчасидаги хайрли иш давом эттирилди», — деб ёзган фотохабар муаллифи. 20 май куни эса фотохабар муаллифи текис йўлда тўп тепиб юрган маҳалла болалари суратини эълон қилган.
Фойдаланувчиларнинг аксарияти Саккокий кўчасининг таъмирлангани ҳақидаги хабарни олқишлаган, бу йўл кўпдан таъмирга муҳтож бўлганини қайд этиб ўтган. Саккокий кўчасининг автобус саройи олдидаги, 17-трамвай йўли билан параллел қисми айниқса таъмирталаб эди.
Айни вақтда, бир гуруҳ фойдаланувчилар энди бу ерда маҳалла пойгачилари пайдо бўлишидан хавотир билдирган. Шунингдек, баъзилар тез орада бу ерга экскаваторлар келиб, йўл остидаги қувурларни таъмирлашга киришиши мумкинлигини истеҳзо билан қайд этган.
Изоҳ (0)