Гаитида жала ёғиши туфайли юзага келган сув тошқини оқибатида 9 киши ҳалок бўлди

Гаитида ўтган ҳафта охиридан буён ёққан жала одамларнинг қурбон бўлишига ва моддий зарар етишига сабаб бўлди. Бу ҳақда, Prensa Latina агентлиги маълумотига таяниб, «ТАСС» хабар беради.

Жала келтириб чиқарган сув тошқини ва турар-жой биноларининг қулаши оқибатида тўққиз киши ҳалок бўлди, ўнлаб одамлар шикастланиш олди. Шу билан бирга 2 860 та уйни сув босган, 52 та уйга зарар етган ва 15 таси вайрон бўлган.

Ноқулай об-ҳаво туфайли бир ҳафта аввал Гаити соҳиллари яқинида кичикроқ елканли кема чўкиб кетган эди. Дастлаб 21 кишининг ҳалок бўлганлиги хабар берилганди. Бироқ ҳукумат ҳодиса оқибатида тўққиз кишининг қурбон бўлганлиги, қолганлар кома ҳолатида эканлигини маълум қилди.