ФИФАнинг собиқ президенти Йозеф Блаттер АҚШ ҳукуматининг талабига мувофиқ ҳибсга олинишдан қўрқиб, Францияда ўтадиган 2016 йилги Европа Чемпионатига бормайди. Бу ҳақда «ТАСС» хабар бермоқда.
ФИФА тарихидаги энг йирик коррупцион жанжал туфайли четга чиқиб қолган собиқ спорт амалдори бугунги кунда мазкур иш бўйича гумон қилинаётган 42 кишидан иборат рўйхат бошида турибди.
«Франция ҳукуматининг менга саволлари йўқ, лекин АҚШ ҳукумати билан боғлиқ иш давом этаркан, айрим давлатларга бормай тураман. Швейцарияликларда муаммолар кузатилган жойлар бор, масалан, бир банкир Италияга бориб, охир-оқибат Нью-Йоркка олиб кетилган», — деб изоҳлади ўз қарорини Блаттер.
Шу билан бирга, у федерациянинг расмий таклифи бўлган тақдирда йирик спорт мусобақасини албатта Франциядан кузатишини қўшимча қилди.
Изоҳ (0)