Еврокомиссия 4 май, чоршанба куни Европа Иттифоқи Кенгаши ва Европарламентга Туркия билан виза тартибини бекор қилишни таклиф қилди. Бу ҳақда «РБК» хабар беради.
Бу ҳақда Еврокомиссиянинг рақобат масалалари бойича Европа комиссари Маргарет Вестагер Twitter’даги саҳифасида маълум қилди.
«Комиссиянинг виза тартибини эркинлаштириш, бошпана бериш тизимини ислоҳ қилиш ва Шенгенга қайтиш бўйича мувозанатга келтирилган ва кучли қарорлари», — деб ёзди у.
Вестагер томонидан чоп этилган ҳужжат «Туркиянинг виза режимини либераллаштириш бўйича ‘йўл харитаси’ни бажариш юзасидан тараққиёти» деган сарлавҳага эга. Мазкур қарор қабул қилиниши учун Анқара таклиф этилган «йўл харитаси» доирасида 72 та бандни бажариши лозим.
Изоҳ (0)