Apple Хитой фирмаси билан iPhone брендини жойлаштириш бўйича суд жараёнида ютқазди

АҚШнинг Apple корпорацияси Хитойда маҳаллий фирма билан iPhone савдо белгисидан тери маҳсулотларида жойлаштириш билан боғлиқ судлашувда ютқазди. Бу ҳақда, Legal Daily нашрига таяниб, «РИА Новости» хабар бермоқда.

Пекин Олий муниципал халқ суди қарорига кўра, Xintong Tiandi компанияси «iPhone» сўзини бундан кейин ҳам ўзининг тери маҳсулотларида ишлатиши мумкин бўлади.

Xintong Tiandi 2007 йилда — биринчи iPhone’лар чиққанида тери маҳсулотлари учун Apple савдо белгисини яратган эди. Икки компания 2012 йилдан бери судлашади.