Аргентина суди Панама ва Багамадан мамлакат президентининг офшорлардаги иштироки ҳақида маълумотлар сўради

Аргентиналик судья Себастиан Касанельо Панама ва Багама оролларига у ерда рўйхатдан ўтган ва директори Аргентина президенти Маурисио Макри бўлган компаниялар тўғрисида маълумот тақдим этиш ҳақидаги сўровномани юборди. Бу ҳақда, Nacion газетаси маълумотига таяниб, «ТАСС» хабар беради.

Касанельо ушбу компаниялар ва айбланувчи ўртасидаги алоқани ўрганиб, мазкур фирмалар тизими, шунингдек, уларнинг савдо ва молиявий айланмасини билишни истамоқда. Олинган маълумотлар асосида Макри мазкур фирмаларни ўз солиқ декларациясида кўрсатмасдан, қонунни бузган-бузмаганлигини аниқлашни кўзламоқда.

Бундан ташқари, судья президентнинг Панама ва Багама оролларида банк ҳисоблари бор-йўқлиги ҳақидаги маълумотни ҳам сўраган.