Жанубий Каролинадаги Coastal Carolina University кампуси яқинида юз берган отишма оқибатида бир киши ҳалок бўлди. Бу ҳақда, Live5News телеканали маълумотига таяниб, «РБК» хабар беради.
Ҳодиса 2 май, душанба куни маҳаллий вақт бўйича куннинг иккинчи ярмида содир бўлди. Отишма кампус яқинидаги автомобиль тўхташ жойида юз берди. Воқеа жойига етиб келган полиция оғир жароҳатлар оқибатида ҳалок бўлган эркак кишининг жасадини топди.
Ҳуқуқни муҳофаза қилувчи органларнинг маълум қилишича, бир киши қўлга олинди. Полиция ҳозирча ҳодиса тафсилотларини маълум қилмади.
Отишмадан сўнг кампус қўриқлов остига олинди.
Изоҳ (0)