Нью-Йорк расмийлари мультфильм ва комикслар қаҳрамонлари — тошбақа-нинзаларни 2016 йилда шаҳарнинг расмий сайёҳлик рамзи этиб танлади. Бу ҳақда «ТАСС» хабар бермоқда.
Шаҳар расмийлари билан келишувга кўра, Нью-Йоркда туризм ривожи учун жавоб берадиган NYC & Company фирмаси тошбақалар образидан реклама кампаниясида фойдаланади. Жумладан, улар акс этган плакатлар Нью-Йоркнинг ўзида, шунингдек, Лос-Анжелес, Чикаго, Бостон, Майами ва Далласда жойлаштирилади.
NYC & Company бундай реклама компанияларини 2009 йилдан бери ҳар йили ўтказиб келади. Ҳар гал улар бирор таниқли қаҳрамонлар атрофида қурилади. Олдинроқ улар қаторига «Маппет-шоу» дастури қўғирчоқ иштирокчилари, смурфлар кирганди. Тошбақа-нинзалар бу рўйхатда саккизинчиси бўлди.