Франция парламентининг қуйи палатасида Россияга қарши санкциялар муддатини узайтириш борасида овоз бериш ўтказилди. Унда 577 депутатдан 101 нафари иштирок этди. Кўпчилик Россия санкцияларининг муддатини узайтирмасдан, белгиланган вақтда тўхтатиш таклифини ёқлаб чиқди. Бу ҳақда, миллий ассамблея (қуйи палата) сайтидаги маълумотларга таяниб, «Газета.ru» хабар бермоқда.
Россияга қарши санкцияларни бекор қилиш тўғрисидаги резолюцияни 55 депутат ёқлаб чиқди, 44 нафари қарши овоз берди, икки нафари бетараф қолди.
Ҳужжат тавсия характерига эга бўлиб, ижро ҳокимияти — Франция ҳукуматига ҳеч қандай мажбурият юкламайди.
Ҳужжат ташаббускори «Франция-Россия мулоқоти» уюшмаси ҳамраиси, депутат Тьерри Мариани бўлди. У 2015 йил июлида Франция парламентарийларининг Қримга юборилган делегациясига бошчилик қилган эди.