Филипп Лам Чемпионлар Лигасида энг кўп ўйин ўтказган германиялик футболчига айланиб олди, деб хабар берди «Чемпионат».
Европа Чемпионлар Лигаси ярим финали доирасидаги «Атлетико»га қарши ўйиндан кейин «Бавария» клуби аъзоси Филипп Лам Оливер Кандан ўзиб кетди. Мюнхен жамоасининг собиқ дарвозабони Чемпионлар Лигасининг 103 та ўйинида иштирок этганди. Филипп Лам эса 104-ўйинда майдонга тушишга муваффақ бўлди.
Германиялик футболчилар орасида учинчи кўрсаткич Бастиан Швайнштайгерга тегишли бўлиб, «Манчестер Юнайтед» шарафини ҳимоя қилаётган футболчи Чемпионлар Лигаси доирасида 95 та ўйин ўтказган. Михаил Баллакда учрашувлар сони 93 та, Мануэль Нойерда эса 81 та.
Изоҳ (0)