Европа Чемпионлар Лигаси ярим финали доирасидаги «Реал»га қарши ўйиндан кейин «Манчестер Сити» сардори Венсан Компани ўз фикрлари билан ўртоқлашди, деб хабар берди «Чемпионат».

«0:0 — жуда хавфли ҳисоб. Агар жавоб ўйинида гол ура олсак, ҳаммаси ўзгариб кетади. «Реал»дек ҳужумкор жамоадан гол ўтказиб юбормаслик мушкул вазифа. Биз эса биринчи ўйинда буни уддалай олганимиздан фахрланишимиз керак», — деб таъкидлади Компани.

• «Реал» Чемпионлар Лигаси ярим финалида «Манчестер Сити»ни мағлуб эта олмади

«Реал» ва «Манчестер Сити» клублари ўртасидаги жавоб ўйини 4 май куни «Сантьяго Бернабеу» стадионида бўлиб ўтади. Қайд этиш керак, Чемпионлар Лигасининг жорий мавсуми ҳисобидан «Реал» ўз майдонида гол ўтказиб юбормаган.