«Вильярреал»га қарши (3:0) Испания чемпионати 34-турида жароҳат олган «Реал» ҳужумчиси Криштиану Роналду 26 апрель куни «Манчестер Сити»га қарши (0:0) Европа Чемпионлар Лигаси ярим финал дастлабки учрашуви олдидан ўтказилган фитнес-тестдан ўта олмади ва ўйинни ўтказиб юборди. Учрашувдан сўнг португалиялик футболчи Instagram’даги саҳифасига ўз суратини юклаб, мухлисларини таслим бўлмасликка ва ижобий кайфиятда бўлишга чақирди.

«Ҳеч қачон таслим бўлма, ижобий кайфиятда бўл», – деб ёзди футболчи Instagram’даги саҳифасида.

Изоҳ қолдирган мухлисларнинг аксарияти футболчининг тезроқ соғайиб, сафга қайтишини сўраган.

Қайд этиш жоиз, 4 май, чоршанба куни Мадрид шаҳрида бўлиб ўтадиган «Реал» – «Манчестер Сити» ўртасидаги ярим финал жавоб ўйинида Роналду майдонга тушмаслиги мумкин.