Англия Премьер-лигасининг энг яхши футболчиларини аниқлаш учун ўтказилган маросимга вертолётда келган «Лестер» жамоаси аъзоларидан бири, ярим ҳимоячи Демарай Грей ҳаво транспортининг паррагидан ҳалок бўлишига бир баҳя қолди, деб хабар беради «Championat.asia».

19 ёшли футболчи вертолётдан тушиб, вертолётнинг думидаги паррак томон ҳаракатланди. Буни ўз вақтида пайқаган стюард уни қутқариб қолди.

Эслатиб ўтамиз, «Лестер» клуби ярим ҳимоячиси Рияд Маҳрез профессионал футболчилар уюшмаси (PFA) томонидан Англия Премьер-лигаси 2015/16 йилги мавсумининг энг яхши футболчиси деб топилди. «Тоттенҳэм» ярим ҳимоячиси Деле Алли эса мавсумнинг энг яхши ёш ўйинчиси номига сазовор бўлди.