Ўзбекистонлик Шаҳбоз Холмирзаев академик эшкак эшиш бўйича Рио–2016 ўйинларига йўлланма олди

Жанубий Кореянинг Чонжу шаҳрида академик эшкак эшиш бўйича XXXI ёзги Олимпиада ўйинларининг йўлланмаси учун Осиё қитъавий саралаш мусобақаси ўз ниҳоясига етди. Бу ҳақда Ўзбекистон Миллий олимпия қўмитаси матбуот хизмати хабар бермоқда.

Қитъанинг кўплаб номдор спортчилари иштирокида ўтган мазкур нуфузли мусобақада Ўзбекистон вакили Шаҳбоз Холмирзаев олтин медаль ҳамда Рио–2016 Олимпиада ўйинларининг йўлланмасини қўлга киритди.

Шу тариқа, ўзбекистонлик спортчилар томонидан Рио–2016 ўйинларига қўлга киритилган йўлланмалар сони 71 тага етди. Шулардан 25 таси паралимпиячиларга тегишли.