Бағдод шарқидаги портлаш оқибатида 10 киши ҳалок бўлди, 40 киши жароҳат олди

Бағдоднинг шарқий туманларидан бирида миналаштирилган машинанинг ҳавога учирилиши оқибатида камида 10 киши қурбон бўлди, 40 киши жароҳат олди. Бу ҳақда, Sky News Arabia телеканали репортажига асосланиб, «ТАСС» хабар бермоқда.

Портлаш ал-Жадида туманида жойлашган «ал-Байда» кинотеатри яқинида содир бўлди.

Охирги кунларда Бағдодда терактларнинг кети узилмаяпти: 24 апрель куни содир этилган икки теракт оқибатида 12 киши ҳалок бўлди, 39 киши жароҳат олди; 22 апрелда шиа масжидига уюштирилган худкушлик ҳужуми қурбонлари сони тўққиз кишини ташкил этди.