Абу-Дабидаги Яс оролида 2018 йилда Warner Bros. кинокомпаниясининг ижодий боғи очилади. Бу ҳақда, концерннинг Miral компанияси билан қўшма баёнотига асосланиб, «Интерфакс» хабар бермоқда.
Warner Bros. World Abu Dhabi боғи ўзида студия фильмларининг Бэтмен, Супермен, Багз Банни, Скуби-Ду, Том ва Жерри сингари қаҳрамонлари ҳақида сюжетларни ўзида бирлаштиради. Меҳмонларга Готэм Сити ва Метрополисда бўлиш таклиф этилади.
Лойиҳа, шунингдек, Warner Bros. меҳмонхонасининг қурилишини назарда тутади.
Боғнинг очилиши Яс оролига сайёҳлар оқимини 2018 йилда 30 миллионга кўтариш имконини беради; 2015 йилги кўрсаткич — 25 миллион.
Боғ дунёдаги биринчи Ferrari World Abu Dhabi тематик боғи ва Yas Waterworld аквапарки ёнида жойлашади.
Изоҳ (0)