Саратон хасталигидан азият чеккан «Лестер» футбол клубининг австралиялик мухлиси Тони Скеффингтон вафот этди. Бу ҳақда The Telegraph нашрига таяниб, «Спорт-Экспресс» хабар бермоқда.
2015 йилнинг баҳорида 51 ёшли собиқ полициячи камёб хасталик — кўричак саратонига чалингани маълум бўлган эди. Ўшанда шифокорлар унинг ҳаёт бўлишига бир ярим ой қолганини айтганди. Аммо тахминлар ўзини оқламади ва Скеффингтон «Лестер»нинг нафақат Премьер-лигада жон сақлаб қолгани, балки жорий мавсумда муваффақиятли иштирокига гувоҳ бўлганди.
Тони Скеффингтон ўтган мавсумда қийин аҳволдан чиқиб кета олган ва айни дамда чемпионликка яқин келган «Лестер»нинг ўйинларидан илҳомланиб, саратонга қарши курашганини айтганди.
Изоҳ (0)