Хитойлик миллионер Яо Наньшань оддий фермер аёл Лю Лицзянга муҳаббати сабаб бойлигидан воз кечди. Бу ҳақда «Газета.ru» хабар бермоқда.
2015 йил октябрига қадар Наншань Испанияда яшарди. Бироқ 57 ёшли миллионер Европадаги мол-мулкидан воз кечиб, Хитойнинг Чжэцзян провинциясидаги қишлоқлардан бирига кўчиб ўтиш ва қолган умрини «чин севгиси» билан ўтказишга қарор қилди.
Жуфтлик 2013 йили учрашганди. Лицзянь бева бўлиб, унинг қизи кам учрайдиган қон касалига дучор бўлганди. Миллионер унга севги изҳор этганда аёл муаммолари билан унга юк бўлмаслик учун буни рад этди. Наншань эса ўз билганидан қолмади ва Испанияга қайтиб, бизнеси ва активларини фарзандларига қолдириб, Чжэцзянга келди.
Жуфтлик янги йил арафасида никоҳдан ўтди. Айни пайтда эр-хотин кичик меҳмонхонани бошқармоқда.