Мисрда, Синай ярим оролининг шимолий қисмида уюштирилган қўпорувчилик ҳаракати оқибатида икки киши ҳалок бўлди ва саккиз киши жароҳат олди. «ТАСС»нинг «Ал-Масравий» янгиликлар порталига таяниб маълум қилишича, Шимолий Синай вилояти пойтахти ал-Ариш яқинида маҳбусларни олиб кетаётган машинанинг йўлида қўлбола бомба портлаб кетган.
Теракт қурбони бўлган икки киши машинада олиб кетилаётган гумондор шахслар бўлгани айтилмоқда.
Жароҳат олганлар яқин атрофдаги шифохоналарга ётқизилган.