Футбол бўйича Англия Премьер-лигасининг 34-турига келиб қуйи дивизионга тушиб кетган биринчи клуб номи маълум бўлди. Бирмингемнинг «Астон Вилла» клуби сўнгги бор 1987 йил элита билан хайрлашганди. Орадан 29 йил ўтиб, бу воқеа яна бир бор такрорланди.
«Астон Вилла» сўнгги умидни «Олд Траффорд»да йўқотди. «Манчестер Юнайтед» рақибини 1:0 ҳисобида мағлуб этиб, олдиндаги тўрт тур натижасидан қатъий назар, Бирмингем клубини Премьер-лига билан хайрлашишга мажбур этди. Бир тур аввал «Юнайтед»нинг мағлубияти «Лестер»га Чемпионлар Лигаси йўлланмасини тақдим этганди.
«МЮ» очколари сонини 56 тага етказиб олди. Маълумот учун, «Манчестер Сити» 57, «Вест Ҳэм» эса 52 очкога эга.
«Ньюкасл» эса Рафаэль Бенитес бошқарувида ўзининг биринчи ғалабасини қўлга киритди. «Суонси»ни қабул қилган жамоа йирик – 3:0 ҳисобида муваффақият қозонди. 34-турдан кейин «Норвич» — 31, «Сандерленд» — 30, «Ньюкасл» — 28 очкога эга. Элитада қолиш йўлидаги кураш асосан мана шу уч клуб ўртасида кечади.
Англия Премьер-лигаси 34-тур беллашувлари 16 апрель, шанба
«Манчестер Юнайтед» — «Астон Вилла» 1:0
Гол: Маркус Рашфорд, 32 (1:0).«Манчестер Юнайтед»: Давид де Хеа, Маркос Рохо, Крис Смоллинг, Дейли Блинд, Антонио Валенсия, Морган Шнейдерлен, Хуан Мата (Тимоти Фосу-Менса, 90), Маруан Феллайни, Маркус Рашфорд (Антони Марсьяль, 76), Уэйн Руни (Жесси Лингард, 67), Мемфис Депай.«Эвертон» — «Саутҳемптон» 1:1
Голлар: Рамиро Мори, 68 (1:0). Садио Мане, 76 (1:1).«Ньюкасл» — «Суонси» 3:0
Голлар: Жамал Ласселлс, 40 (1:0). Мусса Сиссоко, 82 (2:0). Эндрос Таунсенд, 89 (3:0).«Вест Бромвич» — «Уотфорд» 0:1
Гол: Бен Уотсон, 27 (0:1).«Челси» — «Манчестер Сити»17 апрель, якшанба«Борнмут» — «Ливерпуль»«Лестер» — «Вест Ҳэм»«Арсенал» — «Кристал Пэлас»
18 апрель, душанба«Сток Сити» — «Тоттенҳэм»
Изоҳ (0)