«Тахтлар ўйини» сериалининг яратувчилари еттинчи ва саккизинчи мавсумларда эпизодлар сонини қисқартириш режаларини ошкор этди. Бу ҳақда Meduza хабар берди.
Олтинчи мавсум ўнта эпизоддан ташкил топган охирги мавсум бўлиши кутилмоқда. Сериал яратувчилари еттинчи мавсумда еттита қисм, саккизинчи мавсумда эса олтита қисм намойиш этишни режалаштирмоқда.
Entertainment Weekly’нинг таъкидлашича, якуний қарор қабул қилинмаган.
«Мен учун ‘Тахтлар ўйини’ сериалини якунлаш ҳам раҳбар, ҳам мухлис сифатида қийин бўлади», — деди HBO президенти Майкл Ломбардо.
«Тахтлар ўйини» сериали HBO телеканалининг энг оммабоп сериалидир. Фақат АҚШнинг ўзида унинг бешинчи мавсумини телевизор орқали 20 миллион киши томоша қилган.
Изоҳ (0)