Мадриднинг «Реал» жамоаси ҳужумчиси Карим Бензема Франция термаси сафида Евро–2016 турнирида иштирок этмаслигини маълум қилди, деб хабар беради «Sports.ru».
«Мен ва мени қўллаб-қувватлаган инсонларнинг бахтига қарши, Франция термаси сафида Евро–2016 турнирида иштирок этмайман», – деб ёзди ҳужумчи ўзининг Twitter’даги саҳифасида.
Эслатиб ўтамиз, Франция футбол федерацияси Матье Валбуэнани шантаж қилиш иши юзасидан 2015 йилнинг декабрида Бенземани терма жамоадан вақтинча четлаштирганди.
Шунингдек, март ойида Франция апелляцион суди ҳужумчидан Валбуэнага нисбатан товламачилик иши бўйича назоратни қисман олиб ташлаганди. Шунга қарамай, 28 ёшли ҳужумчи Франциянинг Голландия ва Россия термаларига қарши март ойида бўлиб ўтган ўйинларига чақирилмаган эди.