14 апрелнинг эътиборга молик янгиликлари — «Дарё»нинг кечки дайжестида.

1. Тошкентда ШҲТга аъзо давлатлар Хавфсизлик кенгашлари котибларининг йиғилиши якунига етди. Йиғилиш 13–14 апрель кунлари бўлиб ўтди.

2. Путин ўз жуфти ҳақидаги саволга қачондир жавоб бериши мумкинлигини маълум қилди. Россия президенти Владимир Путин мамлакатнинг биринчи хонимини қачон таништириши ҳақидаги саволга жавобан бир кун келиб фуқароларнинг ушбу масаладаги қизиқишларини қаноатлантириши мумкинлигини маълум қилди.

3. ОАВ: 2016 йилда АҚШ иқтисодиётидаги Хитой инвестициялари 30 миллиард долларга етиши мумкин. Бироқ йил бошида эълон қилинган барча келишувлар амалга оширилган тақдирдагина янги рекордни ўрнатиш мумкин бўлади.

4. Цукерберг юлдузлараро зондни яратиш ва Альфа Центавр тизимини ўрганиш бўйича лойиҳага қўшилди. Facebook’нинг собиқ президенти эса саратонга қарши кураш услубларини ўрганиш учун 250 млн доллар ажратди.

5. Озодбек Назарбеков Россияга ишлашга кетган муҳожирлар қисмати ҳақида қўшиқ куйлади. «Хонанда ‘Алло, Она’ номли қўшиғини куйлаб, мухлисларнинг кўзини ёшлатди», — деб ёзади «Даракчи».