Германиянинг «Вольфсбург» клуби устози Дитер Хеккинг «Реал»га қарши (0:3) Европа Чемпионлар Лигаси 1/4 финал жавоб ўйинидан сўнг ўз таассуротлари билан ўртоқлашди. Учрашувнинг 17-дақиқасига келиб мадридликлар ҳужумчиси Криштиану Роналду иккита гол киритишга улгурган эди, деб хабар беради «Чемпионат».
«‘Реал’нинг дастлабки 20 дақиқа ичида қилган ишига тайёр эмасдик. Учинчи голни Роналду жарима зарбасидан, ‘жонли девор’дан бўшлиқ топиб киритди. Бундай ҳолатлар жарима зарбалари вақтида юз бериши керак эмас. Иккинчи бўлимда эса дастлабки ўйинда ниманинг эвазига бундай натижа қайд этганимизни кўрсата олдик», – дейди германиялик мутахассис.
Эслатиб ўтамиз, «Вольфсбург» дастлабки ўйинда 2:0 ҳисобида ғалаба қозонган эди, аммо жавоб ўйинида Роналдунинг хет-триги «бўрилар»ни ЕЧЛдан чиқиб кетишига сабаб бўлди.