Мингйиллик масаласини ечган ўзбекистонлик, Тошкентда сотувга чиққан iPhone SE, фаолиятини якунлаган Мэнни Пакьяо ва куннинг бошқа муҳим хабарлари

11 апрелнинг эътиборга молик янгиликлари — «Дарё»нинг кечки дайжестида.

1. Ўзбекистонлик математик мингйиллик масалаларидан бирини ечганини маълум қилди. Мингйилликнинг етти масаласидан бири (Анри Пуанкаре назарияси исботи) сўнгги бор 2002 йили россиялик математик Григорий Перельман томонидан ечилган эди.

2. Тошкентда 1 майдан чиқиндиларни олиб чиқиш хизматлари учун тарифлар оширилади. Янги нарх-наво белгиланган декларация 7 апрель куни тасдиқланди.

3. Тошкентда iPhone SE 4 млн сўмдан сотувга чиқди. Пойтахтдаги мобил техника бозорлари сотувчилари сўзларига кўра, янги қурилманинг пайдо бўлиши харидорлар орасида шов-шув келтириб чиқармаган.

4. Яценюк истеъфога чиқишини маълум қилди. Ундан ташқари, Қирғизистон бош вазири ҳам истеъфо берди (икки ҳодиса бир-бирига боғлиқ эмас).

5. Бокс бўйича саккиз вазн тоифасида собиқ жаҳон чемпиони Мэнни Пакьяо фаолиятини якунлашга қарор қилди. Мэнни Пакьяо 10 апрелга ўтар кечаси Лас-Вегас шаҳрида икки вазн тоифасида собиқ жаҳон чемпиони, америкалик Тимоти Бредлига қарши жанг ўтказди.