Америкалик олимлар дори воситаларини узлуксиз автоматик ишлаб чиқарувчи ихчам модул қурилмасини кашф этди. Бу ҳақда Science журнали маълумотига таяниб, «Интерфакс» хабар беради.
Ошхона музлатгичи ўлчамидаги қурилма дори воситаларини анъанавий йирик партияларда ишлаб чиқаришга қараганда тезроқ ва барқарор ишлаб чиқариш имконини беради.
Массачусетс технологик университети ходимлари ишлаб чиқарилган 1х0,7х1,8 метр ўлчамдаги қурилма кунига юзлаб ва минглаб дори воситаларини ишлаб чиқариш имкониятини беради.
Ишлаб чиқарувчиларнинг фикрича, уларнинг қурилмаси ҳарбий ҳаракатлар ҳудудида ёки эпидемия ўчоқлари ва алоҳида дори воситаларига кўп миқдорда эҳтиёжи бўлган ихтисослаштирилган тиббий муассасаларда қўлланилиши мумкин.