АҚШ ҳарбий-денгиз кучлари апрель ойининг бошларида Жанубий Хитой денгизидаги баҳсли ороллар яқинидан кемаларини олиб ўтишни режалаштирмоқда. Бу ҳақда, Reuters агентлигига асосланиб, «РБК» хабар бермоқда.
Акция қачон амалга оширилиши маълум қилинмаяпти. Шунингдек, унда қандай кемалар иштирок этиши аниқ эмас.
Бу АҚШ ҳарбий-денгиз кучларининг мазкур денгиз ҳудудидаги учинчи акциясидир. Илгари Хитой расмий Вашингтоннинг бу тахлит хатти-ҳаракатларига эътироз билдирган эди.