Видео: Регистондан таймлапс
Самарқандлик фотосуратчи Феруз Рустамов Instagram’даги саҳифасида Регистон майдонида қарийб бир кун давомида олинган ва 15 сонияга «сиғдирилган» таймлапсни эълон қилди.
Таймлапсни тайёрлаш жараёнидаги видеомонтаж ишларида бошқа бир фотосуратчи ва рассом Зафар Дусанов ёрдам кўрсатган. Видео остида фикр билдирган Instagram’нинг бошқа фойдаланувчилари муаллифга раҳмат айтиб, уни олқишлаган.
Аввалроқ YouTube’да давомийлиги 36 сония бўлган, нафақат Самарқанднинг, балки Тошкентнинг-да диққатга сазовор жойлари акс этган таймлапс эълон қилинган эди.
Таймлапс (time-lapse) нима? Бу — қимирламай турган ёки аста сурилаётган камера ёрдамида етарли даражада узоқ вақт, масалан, бир кун давомида олинган ва, дейлик, икки дақиқага «сиғдириладиган» фотосуратлар кетма-кетлигидир. Тан олиш керак, таймлапс жанрида олинган роликлар одатда ўзининг гўзаллиги билан ҳайратга солади.
