Республикачилар партиясидан АҚШ президентлигига номзодликка даъвогар, миллиардер Дональд Трамп Брюсселдаги терактлар муносабати билан АҚШ чегараларини ёпиш зарурлигини билдирди. Бу ҳақда Fox News’га таяниб, «ТАСС» хабар бермоқда.
«Мен чегараларимизни ёпган бўлардим», — дея маълум қилган Трамп Fox News телеканалига.
Ҳозирда Кубада ташриф билан бўлиб турган АҚШ президенти Барак Обама мазкур терактлар ҳақида хабардор қилингани билдирилмоқда.
Эслатиб ўтамиз, 22 март, сешанба куни Брюссель аэропорти ва метросида содир бўлган бир неча портлаш натижасида сўнгги маълумотларга кўра 34 киши ҳалок бўлди.
Изоҳ (0)