General Motors ва Lyft ярим автоном ишлайдиган автомобиллар сервисини ишга туширади
АҚШ Сенатининг тижорат, фан ва транспорт қўмитасида автоном бошқарувдаги автомобиллар истиқболлари юзасидан ўтказилган эшитувлар жараёнида General Motors концерни президентининг стратегик режалаштириш масалалари бўйича ўринборсари Майк Абельсон яқин икки йил ичида Lyft автоном бошқарувдаги такси сервиси платформаси негизида ҳайдовчилар бошқарадиган машиналар чиқарилишини маълум қилди. Бу ҳақда 3DNews хабар бермоқда.
Lyft мижозлари бир неча йилдан сўнг ўз сафарларида General Motors’нинг ярим автоном бошқарувдаги автомобилларидан фойдаланиш имкониятига эга бўлади. Компаниялар ярим автоном машиналар иши ҳақида маълумот тўплаб, шу асосда тўлиқ ўзи бошқариладиган технологияларни ривожлантириш истиқболлари хусусида тасаввур ҳосил қилишни режалаштирмоқда.
Бир муддат илгари General Motors ва Lyft компаниялари ҳамкорликни йўлга қўйган бўлиб, унга кўра сервис ҳайдовчилари Express Drive автомобилларини қисқа муддатга ижарага олиши кўзда тутилган эди. Бу мақсадлар учун General Motors даставвал Chevy Equinoxes автомобиллари паркини тақдим этади. Лойиҳа дастлаб Чикагода ишга туширилади, сўнг Бостон, Балтимор ва Вашингтонни қамраб олади.
