Бразилия парламенти 17 март, пайшанба куни президент Дилма Руссеффга нисбатан импичмент масаласини кўриб чиқувчи махсус комиссияни тузди, суд эса ўша куннинг ўзида Руссеффнинг собиқ давлат раҳбари Лулу да Силвани президент маъмурияти раҳбари этиб тайинлаш ҳақидаги қарорига тақиқ қўйди. Бу ҳақда «Интерфакс» хабар бермоқда.
Парламент комиссияси, жумладан, Руссеффга тааллуқли бюджет тақчиллигининг реал ҳажмини яшириш билан боғлиқ айбловни кўриб чиқади, шундан сўнг импичмент жараёни расман ишга туширилиши мумкин. Парламентнинг ўнлаб депутатлари президентни истеъфо беришга чақирди, импичмент бўйича махсус комиссия тузиш ҳақидаги қарор эса деярли бир овоздан қабул қилинди.
Эслатиб ўтамиз, олдинроқ Дилма Руссеффнинг ўзи сиёсий рақиблари талабига қарамай истеъфога чиқмаслигини маълум қилганди.
Изоҳ (0)