Apple «Сан-Бернардино мергани» телефонини бузиб, ундаги маълумотларни олишда ёрдам беришдан бош тортаётгани учун масъулият унинг раҳбари Тим Кук зиммасида. Агар суд ФҚБ фойдасига қарор чиқарса, Apple бош директори панжара ортига тушиши мумкин. Бу ҳақда «Hi-Tech Mail.Ru» хабар бермоқда.
Устига-устак, Кукни террорчиларга шерикликда айблашлари ҳам мумкин. Apple’нинг исталган қурилмасини бузишга имкон берувчи дастур яратилишини ёқламаётган корпорациянинг бошқа юқори мартабали менежерлари ҳам суд олдида жавоб беришига тўғри келади.
Суд қарори Apple фойдасига чиқарилмаса, Кук бунга бўйсуниши ёки қамоққа йўл олишига тўғри келади. Бироқ компания раҳбари АҚШ президенти Барак Обамага яқин инсон ҳисобланади, шу боис унинг ҳибсга олиниши эҳтимоли паст эканлиги таъкидланмоқда.
Эслатиб ўтамиз, олдинроқ Бруклин федерал суди метамфетамин сотувчиси Жун Фенг иши бўйича АҚШ ҳукумати Apple корпорациясини iPhone ҳимоясини бузишда ёрдам беришга мажбурлаши мумкин эмаслиги тўғрисида ҳукм чиқарди.
Изоҳ (0)