Чеченистон раҳбари Рамзан Қодировнинг фикрича, унинг бошқарувчидаги республика террорчилик устидан узил-кесил ғалаба қозонилган дунёдаги ягона ҳудуддир, деб ёзади «Интерфакс».
«Чеченистон қисқа муддатда террорчилик бутунлай енгиб ўтилган дунёдаги ягона жойдир. Бугунги Чеченистон душман устидан умумий ғалабамиз натижасидир. Вазият ўта барқарор, ҳокимиятнинг барча тармоқлари шакллантирилган ва самарадор ишламоқда», – деб ёзди Қодиров Instagram’даги саҳифасида.
Шунингдек, у сайловлардан сўнг Россия президенти Владимир Путин белгилаб берган ҳар қандай лавозимда ишлашга тайёрлигини яна бир бора таъкидлаб ўтди.
«Чеченистон Республикаси раҳбари лавозимидаги ваколатим муддати тугашига бир ойдан кўпроқ вақт қолмоқда. Россия Президенти Владимир Путин республика раҳбарига номзодлар бўйича таклифларини киритади, халқ уни умумий сайлов йўли билан танлайди. Мен бутун масъулият билан таъкидлайманки, РФ Президентининг ҳар қандай қарорини, ҳар қандай буйруғини қабул қиламан», – деб қўшимча қилди Қодиров.
Изоҳ (0)