Актриса Зарина Низомиддинова ҳамкасбларининг ижодини ҳурмат қилишини, бироқ уларни ўзига рақобатчи деб билмаслигини маълум қилди. Бу ҳақда «Суғдиёна» газетаси хабар бермоқда.
«Актрисалар орасида ҳеч кимни ўзимга рақобатчи деб билмаслигим чин. Аммо бу менсимаслик эмас. Улар мен учун ҳамкасб. Ҳар бирининг ижодини ҳурмат қиламан», — деди Зарина Низомиддинова.
«Ролга тасдиқлашлари учун ўзини ҳар кўйга соладиган актрисаларни тушунмайман. Мен учун бу уят! Мағрурлигим бор. Мен ҳақимда: ‘Шу рол учун қанча талашди-я...’, деб айтишларини истамайман», — деди актриса.
«Одамларнинг гап-сўзи мени чўчитмайди — паст кетишни истамайман. Профессионал режиссёр ролда мени кўра олдими, тамом, фикрини ўзгартирмайди. Иккиланиб турганида қарорини ўзгартиришини тўғри тушунаман. Аммо тасдиқлаб бўлгач актриса алмаштириш — тўғри иш эмас, назаримда», — дея қўшимча қилди Низомиддинова.
Изоҳ (0)