Россия Давлат Думаси муҳокамасига «Ахборот, ахборот технологиялари ва ахборот ҳимояси тўғрисида»ги қонунга ўзгартиришлар киритиш лойиҳаси киритилди. Бу ҳақда TJournal хабар бермоқда.
Таклиф қилинаётган ўзгартиришларга мувофиқ, ахборот тўплайдиган, қайта ишлайдиган ва тарқатадиган интернет ресурслари – янгилик агрегаторларига нисбатан алоҳида ҳуқуқий режим жорий этиш кўзда тутилади.
Режим кунига 1 миллиондан ортиқ фойдаланувчи кирадиган агрегаторларга нисбатан амал қилади. Шу тариқа, биринчи галда «Яндекс» ва Google агрегаторлари «тарқатилаётган ижтимоий аҳамиятга молик ахборотнинг ҳаққонийлигини синчиклаб текшириш»га мажбур бўлади.
Қонун лойиҳаси қабул қилинган тақдирда, йирик агрегаторлар оммавий ахборот воситаларига тенглаштирилади.
Изоҳ (0)